| 5月1日至5月3日係難得既假期,我同稀稀就決定去旅行輕鬆下!
本身係想去台灣既,但陰錯陽差之下就去左新加坡啦!
雖然得三日,但已經好滿足了..
雖然天文台話有暴風雨,但天公做美,日日都陽光普照!!
第一日:濱海區
我地一早起身準備一齊塔機場巴士, 稀稀係藍田上車,我就係黃大仙JOIN!
但最後發現原來架巴士係公眾假期休息..所以就轉行塔機場快線了..
係稀稀乘車既時間, 我就去左買早餐係車上食..雖然係犯法,但唔好餓親要緊!!
我個新行李箱(我同稀稀都各買了一個,她那個係白色豹紋的..)
 
到達機場,因為距離港仍有一段好長時間,我地就周圍行下,她就搵到新目標,Chole香水..
終於上左機..要塔成三個鐘..人都傻..好彩有兩本雜誌同算死草!!
我地個午餐!!
含辛茹苦終於到達新加坡!!正!!
乘的士回酒店放低D野後,就出發去搵魚尾獅了!
那兒近海,有D似尖咀..
好心叔叔幫忙拍的..
之後行去一個好似榴槤既藝術中心同商場..
 
途中見到厲害既雪糕三文治,Order左紅豆味,正WOR!!
之後再去Marina Plaza 逛逛..稀稀已經有收穫了,係TOP SHOP既法文長衫~!
行左陣出離已經開始天黑了...
 
我地之後去玩新加坡最勁既摩天輪..奇實出名高姐..
輪上美景..
之後去左一間麥麥Japapino pepper既餐廳食晚飯..
燒牛排同海鮮焗飯!
雖然賣相普通,但味道有5粒星好食的..
之後去左搵稀稀個Frd飲野,係Swiss hotel既頂樓..
景色可是真不錯!
之後去左老巴剎想食串燒既..但拍曬蚊呢..勁少人..
比本書騙左..唯有打的回府..
第1日完... 第二日: Sentosa
因為前一晚飲完酒既關係,我同稀稀都訓到癲左..
我地好肚餓,但又要爭取時間準備,所以決定Order酒店D早餐!
依餐野都幾豪嫁,有3隻蛋煎成既奄列(一個係Ham,一個係Cheese), 薯餅, 蛋糕, 橙汁!
因為太餓既關係都唔記得左影相了..
好整裝待發!!
首先去左Vivo City先, 因為個度有Train入島!
個度有好多野行好多野食..但因為時間趕急..所以我地決定食個lunch就出發!!
雖然大家都覺得要快D入島, 但我地卻選擇去飲茶..
 
D野幾好食嫁,好似排骨甘,稀稀係怒食的!!
仲有pu er飲飲,滿足到不得了..
5mins車程,轉眼就到了!!
 
我地首先去左Merlion Tower觀光先!!就係佢!我地會上去的!!
入口好似有D恐怖感, 稀稀有陰影所以嚇到傻左..
D衫同指甲都發曬光!!!
睇完個新加坡既歷史卡通,
行行下D職員比左個幸運金幣我地, 原來D金幣係拎離抽獎既!!
一放金幣入去,佢地就會嘔張卡出離嫁啦!!D卡係換禮物嫁!!
依度係魚尾獅頂..那太陽眼鏡買左好耐先第一次用ja..
而依度係個口!!
可愛既稀稀..
去到精品店, 好多靚野!!
大小獅
兩條友都買左D手信, 稀稀買左的小擺設, 我就買左DD磁石比我媽咪!
跟住我地去左塔D免費旅遊巴去左Imbiah..依度有好多博物館, 野食同手信..
因為太熱既關係..我地成日走去間士多乘乘涼!!
之後我地就去乘纜車回VivoCity..架纜車好熱,好彩有把扇姐!!
回去時. 黃昏已經到了!
之後我地就去左"無招牌"食海鮮餐啦!!
無招牌併盤!
Corn Flake大蝦!!
胡椒抄蟹!!!
隻蟹好大隻, 好多蟹膏嫁!
隻蟹蚶有我手掌甘大!!
兩個人食甘多野,都好難食得曬..D勁好味既抄麵都留低左一碗!!
食野中途,稀稀因為D餐具撞到隻碟搞到好大聲!!嚇到個waitress彈起左!!
食飽飽!!就係Shopping大出血了!!稀稀favorite!
可能新加坡D野有新鮮感D!又可能D野收身D!!稀稀勁睇ARM野..
但最後買得最多既都係ear ring!!又真係幾靚既!!
行到十點幾..就搭車去克拉碼頭了..
個度好多人..係新加坡老蘭!!環境都幾靚嫁..
仲記得有D人係附近玩D彈彈下既機動遊戲!!嚇死我地兩個..
睇完行多陣就回酒店了..
稀稀與所有戰利品大合照!!
第二日完..
第三日:烏節路 因為係最後一日..
大家都好珍惜張舒服既床,所以訓到好遲先起身!
因為我整理得比較快,所以係稀稀打扮既同時, 我就去左酒店對面買早餐了..
依D就係當天既早餐,健康美味!!
酒店外既景色..
我地check out,寄放埋D行李之後就出發去烏節路了..
個度係一個好似香港既購物區,有好多大型百貨公司!!
行左一陣之後, 就決定食D快既野..爭取多D時間遊覽!
我地去左KFC, 但D野幾唔同又好食..有特色既烤薄餅!
 
之後我地就去一間餐廳外,比返張電話卡稀稀個Frd..
雖然有地圖,但行去都要D距離同時間!
沿途隨影..
稀稀既朋友係走前, 比左兩件禮物我地,係蛋糕仔同朱古力!
道別之後,我地就周圍行下想搵D野食手信返香港..
係超市見到稀稀推介好好味既新加坡蛋糕..
新改良既版本仲有"妳"係入面..一定好好食!!
但因為懶得拎住行街,所以就決定係機場先買.. 行到三點幾就要打到回府拎返D行李了..
酒店大堂等候酒店機場巴士中..
好味既百力支..
去到機場搞點好曬D登機手續後,離起飛仲有一D時間..
所以決定去機場其他大樓行下..
唔同既大樓主要係用小型電車連接..
第三大樓比第一大樓靚好多!雖然大家一致認為香港那個最好..
機場D商店不多,所以都係隨意走走..
飲左杯士多啤利豆奶珍珠..滿足曬稀稀許留山既思念! 差唔多時候,我地就回第一大樓過關了..
過關後搵D店賣新加坡蛋糕..搵左好耐都搵唔到..
好彩稀稀好眼..最後成功購得!!! 去到候機室,大家睇返D相同戰利品..
稀稀朋友比既禮物..
 廣播了,要登機了!!
再見了新加坡..
愉快既三天遊正式完結..
|
